ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |

អារ៉ាប៊ីសាអូឌីត ទទួលសិទ្ធិធ្វើជាម្ចាស់ផ្ទះពាន FIFA Club World Cup ២០២៣

  • ចុះផ្សាយថ្ងៃទី១៥ ខែកុម្ភៈ ឆ្នាំ២០២៣ ម៉ោង ១៣:៤៤ នាទី ដោយ Mesa
  • 1538
  Aa |   aA

អារ៉ាប៊ីសាអូឌីត៖ FIFA បានធ្វើការប្រកាសនៅថ្ងៃអង្គារម្សិលមិញនេះថា ប្រទេសអារ៉ាប៊ីសាអូឌីត នឹងទទួលបានសិទ្ធិជាម្ចាស់ផ្ទះក្នុងការរៀបចំព្រឹត្តិការណ៍ FIFA Club World Cup ២០២៣ ដែលនឹងធ្វើឡើងនាខែធ្នូខាងមុខនេះ។ 

ក្រុមប្រឹក្សា FIFA បានបោះឆ្នោតជាឯកច្ឆ័ន្ទឱ្យសហព័ន្ធកីឡាបាល់ទាត់អារ៉ាប៊ីសាអូឌីតរៀបចំព្រឹត្តិការណ៍នេះ ដែលជាការប្រកួតរវាងក្លិបជើងឯកនៃទ្វីបទាំង ៦ រួមជាមួយក្លិននៃប្រទេសម្ចាស់ផ្ទះមួយទៀតដែលសរុបមានចំនួន ៧ក្លិប។ FIFA ក៏បានបញ្ជាក់ថាព្រឹត្តិការណ៍ FIFA Club World Cup ២០២៣ នឹងធ្វើឡើងនៅថ្ងៃទី១២ ដល់ថ្ងៃទី២២ ខែធ្នូ ឆ្នាំ២០២៣នេះផ្ទាល់តែម្តង។ 

ដោយឡែក កាលពីពេលថ្មីៗកន្លងទៅ អារ៉ាប៊ីសាអូឌីត ទើបតែត្រូវបានសហព័ន្ធកីឡាបាល់ទាត់អាស៊ី AFC ជ្រើសរើសឱ្យធ្វើជាម្ចាស់ផ្ទះនៃព្រឹត្តិការណ៍ជើងឯកបាល់ទាត់ទ្វីបអាស៊ី AFC Asian Cup ឆ្នាំ២០២៧ផងដែរ។ ថ្មីៗនេះ អារ៉ាប៊ីសាអូឌីត បានទទួលរៀបចំជាម្ចាស់ផ្ទះព្រឹត្តិការណ៍កីឡាធំៗនានារួមមានការប្រកួតវគ្គផ្តាច់ព្រ័ត្រ Spanish Super Cup, ការប្រកួតប្រដាល់ខ្សែក្រវ៉ាត់ជើងឯកពិភពលោករវាងកីឡាករ Oleksandr Usyk ជាមួយកីឡាករ Anthony Joshua ក៏ដូចជាការប្រកួតប្រណាំងរថយន្ត Riyadh Grand Prix ជាដើម។ 

គួរបញ្ជាក់ថា ក្នុងកិច្ចប្រជុំនេះ FIFA ក៏បានសម្រេចកែប្រែការប្រកួតពីរូបមន្តបច្ចុប្បន្ន ទៅជាការប្រកួតមានក្លិបចូលរួមចំនួន ៣២ ដែលនឹងចាប់ផ្តើមពីឆ្នាំ២០២៥ខាងមុខ។ ក្នុងនោះសហព័ន្ធកីឡាបាល់ទាត់ទ្វីបអឺរ៉ុប UEFA មាន ១២កៅអី សហព័ន្ធបាល់ទាត់ទ្វីបអាមេរិកខាងត្បូង (CONMEBOL) មាន ៦កៅអី, សហព័ន្ធបាល់ទាត់ទ្វីបអាមេរិកខាងជើង អាមេរិកកណ្ដាល និងការ៉ាអ៉ីប (CONCACAF) សហព័ន្ធបាល់ទាត់ទ្វីបអាហ្វ្រិក (CAF) និងសហព័ន្ធបាល់ទាត់ទ្វីបអាស៊ី (AFC) ទទួលបានម្នាក់ ៤កៅអី ខណៈសហព័ន្ធបាល់ទាត់ទ្វីបអូសេអានី (OFC) និងប្រទេសជាម្ចាស់ផ្ទះ ទទួលបានមួយកៅអីម្នាក់៕



ព័ត៌មានជាច្រើនទៀតសម្រាប់អ្នក